 |
 |
 |
| ປະທານປະເທດ ສສ ຫວຽດນາມ ເດີນທາງ ຢ້ຽມຢາມແຂວງຫລວງນ້ຳທາ |
|
| ຕອນເຊົ້າວັນທີ 25 ສິງຫາ 2010 ນີ້ ທ່ານ ຫງວຽນ ມິງຈຽດ ປະທານປະເທດແຫ່ງສາທາລະນະລັດ ສັງຄົມນິຍົມຫວຽດນາມ ພ້ອມດ້ວຍພັນລະຍາ ແລະ ຄະນະໄດ້ເດີນທາງ ຢ້ຽມຢາມແຂວງຫລວງ ນ້ຳທາຢ່າງເປັນທາງການພິທີຕ້ອນຮັບໄດ້ຈັດຂຶ້ນຢູ່ທີ່ສະຫນາມບິນຂອງແຂວງຫລວງນ້ຳທາ, ໂດຍ ການຕ້ອນຮັບອັນອົບອຸ່ນຂອງທ່ານ ພິມມະສອນ ເລືອງຄຳ ມາ ກຳມະການສູນກາງພັກ, ເລຂາຄະ ນະບໍລິຫານງານພັກແຂວງ, ເຈົ້າແຂວງໆຫລວງນ້ຳທາ ພ້ອມດ້ວຍພັນລະຍາ, ຄະນະການນຳແຂວງ, ພະນັກງານຫລັກແຫລ່ງ, ນັກຮຽນນັກ ສຶກສາ ແລະ ພໍ່ແມ່ປະຊາຊົນ ພາຍໃນແຂວງຫລວງ ນ້ຳທາອອກຕ້ອນຮັບ, ຕໍ່ມາທ່ານເຈົ້າແຂວງຫລວງນ້ຳທາກໍ່ໄດ້ເຂົ້າຢ້ຽມຂ່ຳນັບ ທ່ານ ຫງວຽນມິງຈຽດ ແລະ ໄດ້ລາຍງານກ່ຽວ ກັບສະພາບການພັດທະນາເສດຖະກິດ - ສັງຄົມ ຢູ່ແຂວງຫຼວງນ້ຳທາໃຫ້ຊາບວ່າ: ສາຍພົວພັນລາວ - ຫວຽດນາມ ໃນ ໄລຍະຜ່ານມາເວົ້າລວມເວົ້າສະເພາະກໍ່ຄືແຂວງຫລວງນ້ຳທາ ແລະ ບັນດາແຂວງພາກເໜືອຂອງ ສສ ຫວຽດນາມ ເຊິ່ງຍາມໃດກໍ່ໄດ້ເຄື່ອນໄຫວຢ້ຽມຢາມພົບປະ ຖອດຖອນບົດຮຽນຊ່ວຍເຫລືອເຊິ່ງກັນ ແລະ ກັນໃນແຕ່ລະຂົງເຂດວຽກງານໃຫ້ໄດ້ຮັບການປັບປຸງດີຂຶ້ນ ແລະ ເພື່ອເປັນການເສີມຂະຫຍາຍມູນເຊື້ອຄວາມສາມັກຄີແບບພິເສດເຮັດໃຫ້ສອງພັກສອງລັດປະຊາຊົນ ສອງຊາດອ້າຍນ້ອງ ລາວ - ຫວຽດນາມ ໃຫ້ມີຄວາມໝັກແໜ້ນຂຶ້ນເລື້ອຍໆໂອກາດດຽວກັນ ທ່ານ ຫງວຽນ ມິງຈຽດ ປະທານປະເທດແຫ່ງ ສາທາລະນະລັດ ສັງຄົມນິຍົມ ຫວຽດນາມ ໄດ້ກ່າວສະແດງຄວາມຂອບ ໃຈທີ່ທາງແຂວງຫລວງນ້ຳທາໃຫ້ການຕ້ອນຮັບດ້ວຍຄວາມອົບອຸ່ນ ແລະ ທ່ານ ຍັງເນັ້ນໜັກໃຫ້ແຂວງ ຫລວງນ້ຳທາຈົ່ງເພີ່ມທະວີຄວາມສາມັກຄີແລກປ່ຽນບົດຮຽນກັບບັນດາແຂວງຢູ່ຫວຽດນາມ ເພື່ອຮັດແໜ້ນ ມູນເຊື້ອຄວາມສາມັກຄີຮອບດ້ານແບບພິເສດສອງຊາດ ລາວ - ຫວຽດນາມ ໃຫ້ ແໜ້ນແຟ້ນຂຶ້ນເລື້ອຍໆ. ໃນໂອກາດຢ້ຽມຢາມແຂວງຫລວງນ້ຳທາຄັ້ງນີ້ທ່ານຍັງໄດ້ມອບຄອມພິວເຕີ 30 ຊຸດ, ເງິນຈຳນວນ 10 ຕື້ດົງ ແລະ 150.000 ໂດລາສະຫະລັດ ເພື່ອນຳໃຊ້ເຂົ້າໃນວຽກງານ ການພັດທະນາພື້ນຖານໂຄງລ່າງຂອງແຂວງ. ການເຄື່ອນໄຫວຢ້ຽມຢາມແຂວງຫລວງນ້ຳທາ ອງ ທ່ານ ຫງວຽນມິງຈຽດ ຄັ້ງນີ້ໂດຍ ມີທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີລັດຖະມົນຕີວ່າການກະຊວງການຕ່າງປະເທດ, ພະນັກງານການນຳຂັ້ນແຂວງ ໄດ້ນຳພາທ່ຽວຊົມເບິ່ງກິດຈະກຳຕ່າງໆ ທີ່ສາທາລະນະລັດສັງຄົມນິຍົມ ຫວຽດນາມ ໃຫ້ການຊ່ວຍເຫຼືອ ແກ່ແຂວງຫລວງນ້ຳທາ, ເປັນຕົ້ນແມ່ນຫໍວັດທະນະທຳມິດ ຕະພາບຂອງແຂວງ, ໂຮງຮຽນການເມືອງການ ປົກຄອງແຂວງ, ໂຮງຮຽນອະນຸບານອຸ ດົມສິນ ແລະ ການກໍ່ສ້າງ ຫ້ອງການສະມາຊິກສະພາແຫ່ງຊາດ, ເຂດເລືອກຕັ້ງທີ III ພ້ອມທັງຊົມການສະແດງສິລະປະວັນນະຄະດີບັນດາເຜົ່າທີ່ໄດ້ສະແດງຕ້ອນຮັບຢູ່ທີ່ໂຮງ ແຮມອຸດົມສິນຕື່ມອີກ.ມາໃນຕອນແລງຂອງວັນດຽວກັນ ທ່ານ ຫງວຽນມິງຈຽດ ປະທານປະເທດແຫ່ງ ສາທາລະນະລັດສັງຄົມນິຍົມ ຫວຽດນາມ ພ້ອມດ້ວຍພັນລະຍາ ແລະ ຄະນະໄດ້ເດີນທາງກັບມາເພື່ອໄປຢ້ຽມຢາມແຂວງຈຳປາສັກອອກສົ່ງ ຢູ່ທີ່ສະໜາມບິນແຂວງຫລວງນ້ຳທາໂດຍ ທ່ານ ພິມມະສອນ ເລືອງຄຳມາ ກຳມະການສູນກາງພັກເລຂາຄະ ນະບໍລິຫານງານພັກແຂວງ, ເຈົ້າແຂວງໆຫຼວງນ້ຳທາພ້ອມພັນລະຍາ,ຄະນະການນຳແຂວງ ແລະ ພະນັກງານ ຫຼັກແຫຼ່ງພາຍໃນແຂວງຫລວງນ້ຳທາອອກສົ່ງທ່ານທີ່ເດີ່ນບິນດ້ວຍຄວາມສະຫວັດດີພາບ. |
ໂທລະສັບ: (856-21) 212468, 243250 ໂທລະສານ: (856-21) 212430
..........................................................................................
Copyright © 2006 Lao National Radio. All Rights Reserved
Website development by Lao National Radio