ຫວ່າງບໍ່ດົນມານີ້ ທ່ານ ສົມດີ ບຸນຄຸ້ມ, ເອກອັກຄະລັດຖະທູດແຫ່ງ ສປປ ລາວປະຈຳສາທາ
ລະນະລັດປະຊາຊົນຈີນ ໄດ້ເຂົ້າຢ້ຽມຂ່ຳນັບພະນະທ່ານ ຫູຈິນທາວ, ປະທານປະເທດ ສປ
ຈີນ ແລະຍື່ນສານຕາຕັ້ງໃນໂອກາດດັ່ງກ່າວ.ໃນໂອກາດພົບປະຢ້ຽມ ຂ່ຳນັບດັ່ງກ່າວ, ພະນະທ່ານ ຫູຈິນທາວ ປະທານປະເທດ ສປ ຈີນໄດ້ສະແດງຄວາມຊົມເຊີຍຕໍ່ເອກອັກຄະລັດຖະທູດລາວຕໍ່ການມາຮັບຫນ້າທີ່ອັນສຳຄັນດັ່ງກ່າວ
ແລະ ຝ່າຍຈີນກຽມ ພ້ອມໃຫ້ການສະຫນັບສະຫນູນຊ່ວຍເຫລືອພ້ອມທັງອວຍພອນຈົ່ງມີຜົນ
ສຳເລັດໃນການປະຕິບັດຫນ້າທີ່ອັນສຳຄັນຄັ້ງນີ້.

ທ່ານ ສົມດີ ບຸນຄຸ້ມ, ເອກອັກຄະລັດຖະທູດສປປ ລາວ ປະຈຳ ສປ ຈີນ, ໄດ້ຖືໂອກາດທີ່ມີຄວາມຫມາຍສຳຄັນນັ້ນນຳເອົາຄວາມຢື້ຢາມຖາມຂ່າວຂອງພະນະທ່ານ ຈູມມາລີ ໄຊຍະສອນ, ປະທານປະເທດ ສປປ ລາວ ເຖິງພະນະທ່ານຫູຈິນທາວ ປະທານປະເທດ ສປ ຈີນ.ພ້ອມກັນນີ້, ທ່ານທູດ ສົມດີ ບຸນຄຸ້ມ ຍັງໄດ້ຢັ້ງຢືນວ່າຈະເຮັດສຸດຄວາມສາມາດເພື່ອປະກອບສ່ວນເພີ່ມພູນຄູນສ້າງໃນການເສີມຂະຫຍາຍສາຍພົວພັນລະຫວ່າງສອງປະເທດ ສປປ ລາວ ແລະ ສປ ຈີນ.
ການມາປະຕິບັດຫນ້າທີ່ຂອງຕົນຢູ່ ສປ ຈີນ ແມ່ນໄລຍະທີ່ ສປ ຈີນ ໄດ້ມີຜົນສຳເລັດອັນໃຫຍ່ຫລວງ
ໃນການປະຕິຮູບ ແລະ ເປີດປະຕູສູ່ພາຍນອກ ແລະ ສ້າງສັງຄົມ ນິຍົມທີ່ມີສີສັນຂອງຈີນ, ການພົວ
ພັນລະຫວ່າງ ສປປ ລາວ ແລະ ສປ ຈີນ ກໍ່ໄດ້ຮັບການຂະຫຍາຍຕົວກ້າວສູ່ລະດັບສູງສູ່ການພົວ
ພັນຄູ່ຮ່ວມມືຍຸດທະສາດຮອບດ້ານ, ຫມັ້ນຄົງຍາວນານ.ພ້ອມດຽວກັນນີ້, ພະນະທ່ານ ຫູຈິນທາວ, ປະທານປະເທດຈີນ ຍັງໄດ້ຝາກຄວາມຢື້ຢາມຖາມຂ່າວເຖິງພະນະທ່ານ ຈູມມາລີ ໄຊຍະສອນ, ປະທານປະເທດແຫ່ງ ສປປ ລາວ. ການພົບປະທາງການລະຫວ່າງພະນະທ່ານຫູຈິນທາວ ໃນໂອກາດການມາຢ້ຽມຢາມ ສປ ຈີນ ຂອງພະນະທ່ານ ຈູມມາລີ ໄຊຍະສອນ, ປະທານປະເທດສປປ ລາວ ໃນເດືອນ 4/2010 ທີ່ຜ່ານມາໄດ້ຮັບຜົນສຳເລັດເປັນຢ່າງສູງ.